2

غیر معمولی شکل والی منفرد کشتی کی ویڈیو وائرل

ٹوکیو: جاپان دنیا کا وہ ملک ہے، جو نت نئے تجربات اور ایجادات کرتے ہوئے دنیا کو ورطہ حیرت میں ڈال دیتا ہے، اب اس نے ایسی کشتی تیار کی ہے، جسے دیکھ کر ایسا لگتا ہے کہ وہ آگے بڑھتے ہوئے پانی کو کھول رہی ہے۔

تفصیلات کے مطابق جاپان کے دریا میں ایک انوکھے ڈیزائن والی کشتی چلنے کی ویڈیو سوشل میڈیا پر تیزی سے وائرل ہورہی ہے جس کی شکل زِپ سے مشابہہ ہے، جب کشتی پانی سے گزرتی ہے تو دیکھنے والوں کو ایسا لگتا ہے جیسے کہ وہ آگے بڑھتے ہوئے پانی کو کھول رہی ہے۔

غیر ملکی میڈیا رپورٹ کے مطابق کشتی کو زِپ فاسٹنر شپ کا نام دیا گیا ہے جس کی آزمائش سیومیڈا دریا میں ہوئی، جبکہ یہ کشتی ڈیزائن آرٹ ٹوکیو دو ہزار بیس میں عوامی دلچسپی کے لیے رکھی گئی ہے۔

اس زِپ نما کشتی کو جاپان کے ایک تخلیقی فنکار یاشیرو سوزوکی نے ڈیزائن کیا ہے جو روزمرہ اشیا کو بغور دیکھتے ہوئے انہیں اپنی ڈیزائننگ میں استعمال کرتا ہے۔

یہ بھی پڑھیں: 7  سال قبل دکان کا نام کرونا کیوں رکھا؟ مالک نے وجہ بتادی

زِپ فاسٹنر شپ کے خالق کا کہنا ہے کہ اُنہوں نے دن رات محنت کرکے اس ڈیزائن کو بڑھا کر کاغذ سے حقیقی شوروم تک پہنچایا لیکن تکمیل کے بعد ان کی محنت سامنے آئی جسے دیکھ کر ہر کوئی دنگ رہ گیا ہے۔

یاشیرو سوزوکی کا کہنا تھا کہ یہ کشتی بنانے کا خیال مجھے اس وقت آیا تھا جب میں ٹوکیو بے جارہا تھا، اس دوران میری نظر ایک ایسی کشتی پر پڑی، جو چلتے ہوئے جاگ نکال رہی تھی، یہ دیکھ کر ایسا لگا کہ جیسے کشتی سمندر کو کھول رہی ہوں۔

Comments

اس خبر پر اپنی رائے کا اظہار کریں

اپنا تبصرہ بھیجیں